Kumpulan Puisi Bali Anyar

"Tresna Anggugah"

(Cinta Menggugat)
Karipta Olih: I Gede Nanda Jaya Pratama

Rikala tresnane adung
Drika genah ati sane teduh
Swarga pikoneh i ragane sareng kekalih
Rikala tresnane buwuk
Drika genah ati sane panes
Neraka pikoneh i ragane sareng kekalih
Tresna Anggugah!!
Mangda tresnane raket
Tresna Anggugah
Mangda tresnane lascarya
Sang Hyang Ardanareswari
Nedunang tresna....
Ka marcapada....
Mayapada ne driki...
Sampunang tresna tuna rungu.....
Mangda tresna kuku.....
                                                                 

"Pejalan Melah"
(Jalan yang Baik)
Karipta Olih: I Gede Nanda Jaya Pratama

Rikalaning Ida Sang Kala Mretyu,
Sampun rauh ring pedewekan titiang,
Jagi mincut,
Urip ragan titiange,
Mangda dane,
Sane nampek ring titiang,
Ngewacen aksara,
Bapa akasa miwah ibu pertiwi,
Sampunang sebet kingking
Nika unduk pejalan titiange sane melah,...